بٹر چکن ایک لذیذ اور کریمی ڈش ہے جو افطار کے دسترخوان کی شان بڑھا دیتی ہے۔ اسے نان، روٹی یا چاول کے ساتھ پیش کیا جا سکتا ہے۔
اجزاء:
چکن میرینیشن کے لیے:
- چکن (بون لیس) : ½ کلو
- دہی : ½ کپ
- لیموں کا رس : 1 کھانے کا چمچ
- ادرک لہسن پیسٹ : 1 کھانے کا چمچ
- لال مرچ پاؤڈر : 1 چائے کا چمچ
- ہلدی : ½ چائے کا چمچ
- نمک : حسبِ ذائقہ
گریوی کے لیے:
- مکھن : 3 کھانے کے چمچ
- تیل : 2 کھانے کے چمچ
- پیاز : 1 درمیانی (باریک کٹی ہوئی)
- ٹماٹر پیوری : 1 کپ
- ادرک لہسن پیسٹ : 1 کھانے کا چمچ
- لال مرچ پاؤڈر : 1 چائے کا چمچ
- گرم مصالحہ : 1 چائے کا چمچ
- دھنیا پاؤڈر : 1 چائے کا چمچ
- کریم : ½ کپ
- قصوری میتھی : 1 چائے کا چمچ
- نمک : حسبِ ذائقہ
طریقہ کار:
چکن میرینیٹ کریں:
چکن کو دہی، لیموں کا رس، ادرک لہسن پیسٹ، نمک اور تمام مصالحوں کے ساتھ اچھی طرح مکس کریں اور کم از کم 30 منٹ (بہتر ہے 2 گھنٹے) کے لیے رکھ دیں۔
فرائنگ پین میں تھوڑا سا تیل ڈال کر میرینیٹ کیا ہوا چکن درمیانی آنچ پر سنہری ہونے تک پکا لیں۔ نکال کر الگ رکھ دیں۔
ایک پین میں مکھن اور تیل گرم کریں۔ پیاز ڈال کر ہلکا سنہری کریں۔
پھر ادرک لہسن پیسٹ شامل کریں اور خوشبو آنے تک بھونیں۔
اب ٹماٹر پیوری، لال مرچ، دھنیا پاؤڈر اور نمک ڈال کر اچھی طرح پکائیں یہاں تک کہ تیل الگ ہو جائے۔
پکا ہوا چکن گریوی میں ڈال دیں اور5 منٹ ہلکی آنچ پر دم دیں۔
آخر میں کریم، گرم مصالحہ اور قصوری میتھی ڈال کر 2 منٹ مزید پکائیں۔
گرم گرم بٹر چکن کو ہرے دھنیے اور تھوڑی سی کریم سے گارنش کریں۔ نان، تندوری روٹی یا ابلے چاول کے ساتھ افطار میں پیش کریں۔
